Fyrsta skrefið er alltaf að tilkynna tryggingafélaginu tjónið. Þegar því er lokið er hægt að koma til okkar í tjónamat.

Tilkynntu tjónið hjá þínu tryggingafélagi

• Sjóvá
• Vörður
• TM
• VÍS
• Verna

Þegar búið er að tilkynna tjónið til tryggingafélags þá getum við gert tjónamat.

Tjónamat fer þannig fram að þú mætir til okkar, við skoðum tjónið og tökum myndir af því. Að því loknu sendum við matið til viðkomandi tryggingafélags til samþykkis. Þegar samþykki liggur fyrir þá getum við pantað varahluti ef þarf.

Ef þörf er á varahlutum vegna tjónsins þá pöntum við þá hjá viðkomandi umboði og/eða partasölu allt eftir því hvað við á. Til þess að við getum pantað varahluti þarf samþykki tryggingafélags á tjónamatinu að vera komið.

Þegar allt er klárt þá köllum við eftir að fá bílinn þinn til viðgerðar. Við leggjum áherslu á að halda viðgerðartíma í lágmarki en meðaltími er 3 til 5 dagar. Ef þú átt rétt á bílaleigubíl á meðan á viðgerð stendur þá mun hann bíða eftir þér þegar þú kemur með bílinn þinn. Að viðgerð lokinni þá skilur þú bílaleigubílinn eftir hér þegar þú sækir þinn bíl.

Við höfum samband þegar það er kominn tími til að sækja ökutækið þitt skínandi hreint og fínt.